Биыл – жыр алыбы Жамбыл Жабаевтың туғанына 175 жыл (1846 – 2021)
2021 жылдың 17 наурызында Смирнов №1 орта мектебінде 9-сынып оқушыларының арасында Жамбыл Жабаевтың мерейтойына орай «Жыр алыбына 175 жыл» атты дөңгелек үстел өтті. Дөңгелек үстел барысында Макуха Алина өзінің блаяндамасында келесі жайттармен таныстырды: «Жамбыл Жабаев 1846 жылғы ақпан айының 28-і күні Жамбыл облысындағы Жамбыл тауының етегінде дүниеге келген. Жамбылдың ақындық дарыны жас кезінен-ақ таныла бастаған.».
Альбекова Амина ақынның шығармашылығына шолу жасады: «Жамбыл “Шағым”, “Сәт сайланарда”, “Өстепкеде”, “Патша әмірі тарылды”, “Зілді бұйрық” сияқты өлеңінде елдің әлеуметтік саяси өмірін көрсеткен. Жамбылдың шығармалары әлемнің ондаған тіліне аударылып дүние жүзіне тарады».
Филоненко Виктория Жамбылдың күрескер ақын екендігін атап өтті: «Жамбыл жәй ғана ақын емес, ол күрескер ақын. 1916 жылғы Ұлт-азаттық көтеріліс кезінде 61 жасына қарамай, көтерілісшілерді қолдап, жыр арнады».
Кештің соңында оқушылар ақын жайлы білімдерін толықтырып, жақсы әсер алып тарады. Жамбыл көзінің тірісінде КСРО мемлекеттік сыйлығының лауреаты атанған. Ақын 1945 жылғы мауысым айының 22-інде Алматы облысының Ұзынағаш елді мекенінде 99 жасында дүниеден өтті.
Посмотреть новость на сайте учреждения
Вернуться к списку новостей
Комментарии
